Frá og með 8. febrúar 2023 verður kostnaður við símtöl og SMS frá Íslandi til Tyrklands og Sýrlands 0 kr. fyrir alla viðskiptavini Nova. Þetta mun gilda út febrúar.

Nova vill með þessu móti koma til móts við þá sem eiga ættingja og vini á þessum stöðum og eiga um sárt að binda. Viðskiptavinir Nova geta því heyrt í þeim sem þeim þykir vænt um án þess að greiða fyrir.

Það mun ekki þurfa að breyta neinum stillingum eða gera neitt í símtækjum viðskiptavina, heldur tekur þetta gildi sjálfkrafa.

Láttu í þér heyra og heyrðu í þínum.