Huawei DG8245W2 er ljósleiðararáterinn sem Nova notar í dag. Ráterinn er í raun uppfærsla á gömlu týpunni, sem er þó enn í umferð, Huawei HG659.

Ráterinn kemur uppsettur og allar stillingar eru þannig að það ætti að vera nóg að stinga ráternum í samband, tengja við ljósleiðaraboxið og kveikja á honum. 
Í sumum tilfellum á eftir að fara í gegnum "Quick setup" í honum við fyrstu notkun. 

Það er mjög mikilvægt að ráterinn sé í lagi og í toppstandi til þess að nettengingin sé hröð og góð fyrir allt vafrið sem við stundum í dag!

Ef þig grunar að ráterinn sé sökudólgurinn á netvandræðum heimilisins þarf að kanna nokkra hluti.

Fyrst getur þú kíkt á ljósin á ráternum.

Til þess að komast á netið þurfa Power, WAN, Internet og WLAN ljósin að loga.

Ekkert power ljós: Slökkt á ráternum eða hann er ekki að fá straum

• Er kveikt á ráternum? (On/Off takki)
• Taka straumbreyti úr ljósleiðaraboxinu og setja í ráterinn.
• Ef ráterinn fer í gang við það getur þú komið í næstu verslun og fengið nýjan straumbreyti.
• Ef það virkar ekki getur þú prófað aðra innstungu/fjöltengi og loks kannað hvort annað tæki virki í sömu innstungu.

Ekkert Internet ljós: Ráterinn er ekki með netsamband

• Endurræsa.
• Prófa aðra netsnúru
• Tengja ráterinn beint í ljósleiðarabox ef hann er tengdur í gegnum vegglagnir. 

Ekkert WAN ljós: Ráterinn nær ekki sambandi við boxið

• Endurræsa.
• Er snúran úr WAN(Bláa tengið) í tengi nr. 1 á ljósleiðaraboxinu?
• Ef svo er má prófa aðra netsnúru, prófa tengi nr. 2 á ljósleiðaraboxinu.
• Tengja ráterinn beint í ljósleiðarabox ef hann er tengdur í gegnum vegglagnir. 

Ekkert WLAN ljós: Slökkt á þráðlausa netinu/WiFi

• Er slökkt á þráðlausa netinu á ráternum? 

Ef öll ljós eru í lagi hér er möguleiki á að sökudólgurinn sé ljósleiðaraboxið.

Stillingar 

Opnaðu 192.168.1.1 í vafra á tæki sem er tengt við ráterinn og skráðu þig inn með notendanafninu Useradmin og lykilorðinu @HuaweiHgw
(Þessar upplýsingar eru skráðar á límmiða undir ráternum).

Hægt er að breyta lykilorði inn á stillingarsíðu rátersins, ásamt því að breyta nafni á ráter og lykilorði inn á WiFi með eftirfarandi leiðbeiningum: