Hægt er að varpa myndefni úr snjallgræjum eins og síma, spjaldtölvum og fartölvum upp á sjónvarpsskjá með réttum græjum. 

Í Apple TV sjónvarsgræjunni er innbyggt AirPlay!

Það þýðir að hægt er að varpa efni sem spilað er í gegnum Apple tölvu eða síma upp á AppleTV sjónvarpsgræju.

Það er gert með því að opna strauminn sem um ræðir, hvort sem það er NovaTV, YouTube, Netflix eða annað í símanum eða tölvunni og leita eftir þessum merkjum á skjánum:

Með því að ýta á þetta merki á skjánum hjá þér eftir að ýtt er á Play, þá ætti að birtast valmöguleiki á að velja tæki sem eru í boði. 

Þegar ýtt er á merkið birtist tækið þitt á lista, ef það er tengt sama WiFi neti og sjónvarpsgræjan!

Nú ætti efnið að birtast úr símanum þínum í sjónvarpinu innan skamms! Njótu áhorfsins í þægindunum heima í stofu!

Ef horft er í gegnum vafra.
Apple er með AirPlay virknina læsta á milli Apple tækja, svo það verður að vera með Apple tæki sem er að spila strauminn og varpa  yfir í Apple TV tækið. Það er því miður ekki í boði að nota t.d Android síma eða tölvu með Windows stýrikerfi og varpa myndinni í AppleTV.

Ef verið er að notast við Apple tölvu til að spila strauminn þá þarf að velja AirPlay merkið uppi í hægra horninu.

Smella á það og velja Apple TV tækið þitt. Þá ætti myndin í tölvunni að birtast í sjónvarpinu þínu!

Í Android TV sjónvarpsgræjunni er innbyggt Chromecast!

Það þýðir að hægt er að varpa efni sem spilað er í gegnum tölvu eða síma upp á Android TV sjónvarpsgræju.

Það er gert með því að opna strauminn sem um ræðir, hvort sem það er NovaTV, YouTube, Netflix eða annað í símanum eða tölvunni og leita eftir þessu merki á skjánum:

Með því að ýta á þetta merki á skjánum hjá þér eftir að ýtt er á Play, þá ætti að birtast valmöguleiki á að velja tæki sem eru í boði. 

Eftirfarandi eru leiðbeiningar fyrir spilun úr snjallsíma:

Þegar ýtt er á merkið birtist tækið þitt á lista, ef það er tengt sama WiFi neti og sjónvarpsgræjan!

Nú ætti efnið að birtast úr símanum þínum í sjónvarpinu innan skamms! Njótu áhorfsins í þægindunum heima í stofu!

Ef horft er í gegnum vafra er farið aðra leið, en þar er virknin byggð inn í vafrann. Við mælum með Google Chrome vafranum.

Um leið og efni spilast í vafranum þá birtist myndefnið í sjónvarpinu þegar kveikt er á 'Cast' stillingunni.

Einnig má leita að því hvort straumurinn sjálfur bjóði upp á að varpa efninu í gegnum Android TV eins og má sjá hér: