Kastari frá Nova er nettur og öflugur Wi-Fi búnaður sem eykur þráðlausa nettengingu á heimilum. Hann hentar sérstaklega vel í stærri hús eða rými þar sem veggir eða önnur hindrun veikir Wi-Fi merkið.

Hvernig virkar kastari?

Kastarinn tengist við aðalráterinn á tvo vegu:

• Með netsnúru (Ethernet): Gefur hraðasta og stöðugasta sambandið. Tengdu einfaldlega netsnúru milli ráters og kastara.

• Þráðlaust (Wi-Fi): Þægileg lausn ef ekki er hægt að nota netsnúru. Hafðu kastarann í innan við 10 metra fjarlægð frá ráternum, helst án þykkra eða burðarveggja á milli.

Helstu kostir kastara:

• Bætir Wi-Fi samband á heimilum og skrifstofum

• Auðveldur í uppsetningu

• Veitir trausta þráðlausa tengingu í stærri rýmum

Uppsetning og tengingar:

1. Tengdu kastara við rafmagn.

2. Tengdu netsnúru frá ráternum í kastarann (mælt með).

3. Ef þú tengir þráðlaust, tryggðu að kastarinn sé nálægt ráter og án hindrana.

4. Bíddu í um það bil 2 mínútur þar til ljós á kastaranum logar stöðugt (hvítt ljós).

Hvað þarf ég marga kastara?

Miðað er við eftirfarandi:

• 70–119 m² → 0–1 kastari

• 120–190 m² → 1–2 kastarar

• 191–230 m² → 2–3 kastarar

• 231–290 m² → 3–4 kastarar

Viðbótarupplýsingar:

Nánari leiðbeiningar með myndum er að finna í greininni „Hvernig tengi ég kastarann?“.