Komdu með gamla símann, snjallúrið eða spjaldtölvuna í næstu verslun okkar. Við metum tækin og þú færð inneign hjá Nova.
Það skiptir engu máli hvaða ástandi tækið er í, við komum því í vænt og grænt ferli þar sem þú og jörðin græðið.
Við tökum við öllum farsímum, spjaldtölvum og snjallúrum í endurgræðslu. Þú græðir, jörðin græðir, allir græða!
Þjónustuaðili Nova sér um að koma tækjum í endurgræðslu. Hann hefur fjölmargar vottanir og fylgir allskonar pottþéttum stöðlum til að gera ferlið sem vænast og grænast. Sjá: Foxway.
Þú getur smellt þér inn á Endurgræddu og svarað nokkrum laufléttum spurningum um tækið, þannig getur þú áætlað hvers virði það er.
Tekið er mið af markaði á endursölutækjum, varahlutum í gömul tæki o.fl. Þessi verð breytast dag frá degi svo við notum alltaf nýjustu upplýsingar sem völ er á til að þú fáir sanngjarnt verð fyrir þitt tæki.
Ef að gamla græjan er verðlaus komum við henni auðvitað til skila fyrir þig í endurvinnslu. Það skiptir engu máli hvaða ástandi tækið er í, við komum því í vænt og grænt ferli þar sem þú og jörðin græðið.
Áður en þú Endurgræðir
Þú þarft að geta tekið af allar læsingar af tækinu, því annars lækkar matsvirðið verulega. Öllum tækjum er flett upp í gagnagrunni til að tryggja að ekki sé um stolið tæki að ræða. Einnig þarf auðvitað að passa að slökkva á Find my iPhone, Mobile eða Device og öllu því.
Svo mælum við með að takta afrit af öllum gögnum áður en þú kemur með tækið. Við getum auðvitað líka aðstoðað þig þegar þú mætir. Þegar tækið fer í endurgræðslu er það endurstillt og öllum gögnum eytt. Ef ekki er hægt að kveikja á tækinu til að að eyða gögnum sér þjónustuaðili Nova um að eyða þeim.
Hvert fer tækið mitt?
Tækið sem koma inn í Endurgræðslu fara til Foxway í Eistlandi sem gerir við það og kemur aftur í notkun, tekur það í sundur og notar í varahluti eða endurvinnur alla hluti sem mögulegt er.
Fæ ég pening til baka?
Þegar tæki er endurgrætt færð þú inneignarnótu hjá Nova sem hægt er að nota upp í nýtt tæki eða annað dót í verslunum Nova. Ekki er hægt að fá greitt fyrir tæki í beinhörðum peningum.
Hvernig hjálpa ég jörðinni með því að endurgræða tækið mitt?
Engu er hent sem hægt er að nýta. Tæki sem hægt er að laga eru gerð upp og önnur tæki eru notuð í varahluti. Það sem ekki er hægt að endurnýta fylgir WEEE (Waste Electrical and Electronic Equipment) sem er reglugerð frá Evrópusambandinu um hvernig skal endurvinna öll raftæki. Öll tæki sem Nova tekur í endurgræðslu fylgja WEEE og einnig er öll meðhöndlun gagna skv. GDPR (The General Data Protection Regulation).