Með hraðaprófi í eero appinu getur þú séð hvaða internethraða eero netið þitt fær. Þetta er gagnlegt ef netið virðist hægt, myndsímtöl hökta eða streymi fer að stoppa.
Hvar finn ég hraðaprófið?
- Opnaðu eero appið.
- Farðu í Internet eða Activity.
- Veldu Speed test.
- Ýttu á Run speed test ef þú vilt keyra nýtt próf.
- Bíddu á meðan prófið klárast og skoðaðu niðurstöðurnar.
Hvað sýnir hraðaprófið?
Hraðaprófið sýnir yfirleitt tvo hraða:
Download
Hraðinn sem þú notar þegar þú vafrar, streymir, horfir á myndbönd eða hleður niður efni.
Upload
Hraðinn sem þú notar þegar þú sendir gögn frá þér, til dæmis í myndsímtölum, þegar þú sendir skrár eða notar skýjaþjónustur.
Af hverju er hraðinn annar en í símanum mínum?
Hraðaprófið í eero appinu mælir hraðann sem kemur inn á eero netið. Hraðapróf í síma eða tölvu mælir hraðann frá því tæki yfir WiFi.
Þess vegna geta niðurstöðurnar verið mismunandi. WiFi hraði getur breyst eftir því:
- hvar tækið er staðsett
- hversu langt það er frá eero
- hvort veggir eða gólf séu á milli
- hversu mörg tæki eru að nota netið
- hvort tækið sjálft styður háan hraða
Ef hraðinn virðist lágur
Prófaðu þessi skref:
- Taktu nýtt hraðapróf í eero appinu.
- Endurræstu eero og ljósleiðaraboxið eða netbúnaðinn.
- Bíddu í nokkrar mínútur og prófaðu aftur.
- Athugaðu hvort mörg tæki séu að streyma, spila eða hlaða niður á sama tíma.
- Prófaðu að færa tækið nær eero ef vandamálið er bara á einu tæki.
- Hafðu samband við Nova ef hraðinn er áfram mun lægri en þú átt von á.