Þessi grein veitir yfirlit yfir reikningaferli Nova. Hvernig reikningar frá Nova eru birtir, hvaða greiðslumöguleikar eru í boði, hvernig gjalddagar og eindagar eru skilgreindir og hvað gerist ef reikningurinn er ekki greiddur á réttum tíma.
Hvar finn ég reikningana mína?
Þú finnur reikningana þína í Stólnum á nova.is eða í Nova appinu. Þar getur þú skráð þig inn með rafrænum skilríkjum eða auðkennisappinu. Í Stólnum sérðu yfirlit yfir þjónustur þínar, reikninga og hreyfingalista.
Reikningar Nova eru ekki birtir sem rafræn skjöl í heimabanka en hægt er fara í Stillingar á stólnum og undir Tilkynningar er hægt að merkja við að fá tölvupósta vegnar reikninga og áminninga og þá fær viðskiptavinur tölvupóst með reikningum sendan mánaðarlega.
Hvaða greiðslumátar eru í boði?
Þú getur valið um eftirfarandi greiðslumáta:
- Skuldfærsla af korti: Reikningurinn er skuldfærður beint af skráðu debet- eða kreditkorti.
- Krafa í heimabanka: Ef skuldfærsla af korti tekst ekki, er stofnuð krafa í heimabanka á kennitölu greiðanda.
Athugið að fyrir stofnun kröfu í heimabanka bætist við 189 kr gjald.
Hvenær eru reikningar myndaðir og sendir?
Reikningsímabilið er frá fyrsta til síðasta dags hvers mánaðar. Reikningar eru myndaðir og krafa stofnuð í netbanka í kringum 10. hvers mánaðar. Til dæmis er reikningur fyrir mars myndaður um 10. apríl. Ef þú hefur valið skuldfærslu af korti, þá er kortið skuldfært daginn eftir að reikningurinn er myndaður.
Hver er munurinn á gjalddaga og eindaga?
- Gjalddagi: Er viku fyrir eindaga.
- Eindagi: Er alltaf annan virka dag í mánuði.
Fyrir hvaða tímabil er ég að greiða:
Í netbankanum, undir Tilvísun, kemur fram fyrir hvað tímabil reikningurinn er.
Landsbankinn
Arion banki
Hvað gerist ef ég greiði ekki reikninginn á réttum tíma?
- Ef reikningur er ekki greiddur á eindaga, leggjast dráttarvextir ofan á reikninginn, reiknaðir frá gjalddaga til greiðsludags.
- Ef reikningur er ekki greiddur fjórum dögum eftir eindaga, þá er send út innheimtuviðvörun og við það leggst 950 kr. vanskilagjald á reikninginn
- Ef reikningur fyrirtækja er ekki greiddur 20 dögum eftir eindaga reiknings er ógreiddur reikningur fyrirtækis sendur í innheimtu.
- Ef reikningur einstaklings er ekki greiddur 30 dögum eftir eindaga er ógreiddur reikningur einstaklings sendur í innheimtu
- Ef reikningar eru ógreiddir 32 dögum eftir eindaga er lokað fyrir þjónustuna (bæði fyrirtæki og einstaklingar).
- Ef þú getur ekki greitt reikninginn á tilsettum tíma, getur þú haft samband við Nova til að fá frest eða gera greiðslusamkomulag.
Hvernig get ég breytt greiðslumáta?
Þú getur breytt greiðslumáta í Stólnum á nova.is. Þar getur þú valið að bæta við eða breyta kortaupplýsingum eða velja að fá kröfu í netbanka.
Frekari upplýsingar
Fyrir frekari upplýsingar eða aðstoð, vinsamlegast hafðu samband við Nova í gegnum netspjallið á nova.is eða í síma 519-1919.