Ertu að flytja og vilt taka netið þitt með á nýja heimilið, til að komast strax á netið og horfa á NovaTV og Netflix?
Þú getur pantað flutning á ljósleiðaratengingunni þinni hjá Nova inni á Stólnum á nova.is
Sestu endilega í Stólinn, skoðaðu þig um og sendu beiðni um flutninginn á ljósleiðaratengingunni þinni með þessum einföldu skrefum:
Byrjaðu á því að skrá þig inn á Stólinn með rafrænu skilríkjunum þínum eða auðkennisappinu og smelltu á Ljósleiðaratenginguna þína, í stikunni vinstra megin smellir þú á Flutningur
Þá þarf bara að slá inn nýtt heimilisfang, flutningstíma og hvenær þú flytur út.
Sestu niður, slakaðu á og bíddu eftir að tengingin virkist á nýja heimilinu þínu!
Mundu bara að það á ekki að færa núverandi ljósleiðarabox. Boxin eru ekki flutt á milli heimila, heldur sitja sem fastast. Ef það er fiktað í þeim er hætta á að slíta Ljósleiðarann. En ráterinn þinn má að sjálfsögðu flytja með þér!
Ef það er ekkert ljósleiðarabox á nýja heimilinu, þá munum við hafa samband við þig í kjölfarið og finna tíma til að koma í heimsókn og græja allt.